My Playlist

Sussie Wie ? - Classic!!

Hier is 'n link na die liedjie van "Sussie Wie?" se "Ring Ka Ting". Dit is donners snaaks. Kyk veral na haar sogenaamde agtergrond dansers. Ek kan nie mooi hoor wat sy se nie, maar ek vermoed die song het onderliggende (en dalk nie so subtiel) seksuele tone, veral hoe sy haar pelvis vryf en heupe vorentoe beur. Dan lyk so nog pregnant ook.......




SUSSIE WIE RING KA TING TING - video powered by Metacafe

Scans van die 5e (en laaste) Smartie

Hierdie scans is op 12 weke geneem. Die Dokter reken die geboorte sal wees op die 28e Desember, maar ek glo egter dit sal eerste week in Januarie gebeur.

Die Wilde Ding het op Sodwana gebeur, so as dit 'n Dogtertjie is, moet ons haar seker Jessie noem (vir Jesserspoint) , vir 'n seuntjie seker dan Sarel vir "sodwana". Nie een van die twee staan my egter aan nie. Wat van Smartryk Smith, rym ook nogal mooi.

Vadersdag 2007

My Vadersdag kaarte vir 2007.

Kinders in die modder

Fotos wat ek ondek het op 'n ou CD van Carina en Mia. Mens wens soms hulle wil nie so vinnig grootword nie. Lekker fotos om hulle eendag mee te teister as hulle groot is. As hulle nie wil luister nie, dan dreig mens net dat die fotos vir die boyfriends gewys gaan word !

Jong Skilder

Hier is 'n foto van die 12 - jarige seun wat die olieverf skildery gedoen het van Carina en Mia. Die mannetjie doen ongelooflike mooi pastel en houtskool sketse. Hy het nog nooit enige formele opleiding ondergaan nie en verkoop sy goed op straat. Regtig hartseer dat sulke rou, natuurlike talent tien teen een sal vergaan hier in Kabul. Die mannetjie hoogs intelligent en praat vlot Engels, ek hoop regtig hy kry dit reg om eendag sy omgewing te ontsnap en en te land in 'n plek waar hy 'n beter toekoms sal he.

Sneeu in Kabul

Hierdie foto is in Maart geneem deur Peet Snyman. Kabul le in 'n holte omring deur berge. Vir meer as 6 maande van die jaar is die berge bedek met sneeu. Dit is nogal 'n ongelooflike gesig om met 'n vliegtuig oor die berge te vlieg, veral in middel winter wanneer die temperatuur val tot - 13 grade C in die aande.

Kabul Boere-braai

Sodwana April 2007

Hier is 'n paar random fotos van die Sodwana vakansie. Meeste van die fotos was deur Elize geneem en die res deur ek en Ansie. Al was dit nou net 4 nagte het ons nogal baie gedoen en beleef, die reen het dit net meer van 'n avontuur gemaak....
















Carina en Mia kou aan 'n Sodwana - roomys

















Die helder sonskyn dag nadat die meeste terug is Pretoria toe (geplaas as bewys dat die son wel skyn op Sodwana).















Die strand permit wat nou toelaat om tot mt 9 Myl rif noord te ry en suid tot by die poele waar ons gewoontlik gesnorkel het tydens ons vakansies in die 90's. Verseker die moeite werd. Ek het met harde bande gery en eers met die omdraai-slag gesien watter diep spore hierdie swaar bakkie in die sand druk met sy stywe bande. Ons het dit toe effens afgeblaas en die spore was vlakker en dit het atuurlik die petrol vebruik ook verbeter (of so dink ek, Bono sal my seker later reghelp, hy verstaan die tipe dinge beter as ek)
















Ons het aanvanklik verby 9 myl rif gery en na ong 20 km besef ons is verby. Ons het oppad terug by 9 myl rif gestop en eers bietjie geswem.















Elke ouer dink seker sy kinders is die mooiste, maar ek is oortuig Carina het 'n fotogeniese gesig.















Uitsig vanaf die stoep van die chalet wat ons gehuur het. Was nogal aangename akkommodasie na die nag in die water by Seadog.
















Op die stoep van die chalet tydens ons braai. Christo het vroeg gefade, was velle toe voor 9 uur. Party van ons kan die punch vat, ander weer nie..















Die kinders het deur die reen en wind steeds bly speel, een van die grootste dryfvere om weer daar te gaan vakansie hou is die feit dat die kinders dit baie geniet.















Johan en sy wip.
















Ek is regtig sleg met name, hierdie is Jaques en Annelie se seuntjie, maar het nou sy naam vergeet !
































IL DIVO se moer !
















Oppad 9 myl rif toe deur die resevaat.

Ontbyt by Seadog
















Hierdie foto het ons op die snelweg geneem toe ons deur Witbank is. Agter op die karaan staan "Kam Die aap Se Hare". Enige idee wat dit dit sou beteken? Ek en Ansie kon nie hierdie een uitwerk nie.

Daar was 'n totaal van sewe kinders, kleuters en peuters in die groep. Moes met tye soos 'n kleuterskool uitstappie gelyk het.

Bono besig met 'n diep gesprek, ek is seker dit het sin gemaak...

Einde van die storie. Dit was 'n kort maar besige vakansie. Ons Smitte van Harties is weer daar komende Desember en ek verstaan Christo en Con hulle het alreeds 'n chalet bespreek vir volgende jaar April. Lyk my dus die reen het darem nie almal so erg afgeskrik dat hulle nie weer Sodwana toe wil kom nie. Nou nog net vir Ashley oortuig die plek is eintlik moerse as die son skyn.

Sodwana 2006

Hier volg 'n paar fotos van ons vakansie in Sodwana.


Ons kampplek. Voor die karavaantent het Carina, Mia en die kamp se maatjies 'n permanente modderdam onderhou, tot konsternasie van Ansie en die maatjies se ouers. Van al die plekke waar Carina en Mia al was, het hulle die plek verseker die meeste geniet en daarom het ek en Ansie besluit om ons "gerief" effens op sy te skuif en vervolgens weer van die kampplek gebruik te maak in die vervolg, volgende keer sommer komende April. Die ablusie is darem heelwat beter as by die hoofkamp en die kamp terrein is baie veilig, komplimente van Oom "Vern" - nie sy regte naam nie (naam eintlik "Dave"), Christo noem hom so om een of ander rede, en ook 3 mensvreter honde wat die perimeter patrolleer. Een van die brakke het in die aande voor ons tent geslaap en as dit reen, binne die karavaan tent. Seker daarom dat Bono 'n bosluisbyt opgedoen het. Die mense was oorwegend Afrikaanssprekend, maar nie "rooi-oog Afrikaners" met ou-SA vlae en dinge nie. Ek kan nie onthou dat politiek in enige gesprek opgekom het nie, almal was te besig om 'n goeie tyd te he.

Ontbyt in die gemeenskaplike kombuis, 'n uiters gesellige plek om mense te ontmoet. Die lekkerte egter was dat jy alles net so kon los as jy klaar is, daar is bediendes was skoonmaak en opwas. Selfs die eetware en kookware word voorsien.

9 Myl rif se parkeerplek en strand. Die pad daarheen loop deur 'n resevaat, die pad is egter 'n sanderige twee-spoor pad, gelukkig het Bono se bakkie darem 'n diff-lock gehad.

Ou-jaarsdag potjie. Die reen en wind hou die Smitte nie weg van 'n party af nie, die seil regs het Bono opgesit toe die wind die reen onder die cazebo begin inwaai het. Soos gewoontlik het die musiek gepomp uit Christo se kar uit. Soos kan sien, ons oujaarsaand ete is in styl geeet, let op die kerse op die tafel.

Nuwe-jaarsparty. Dit was 'n raserige affere en ek kan nie onthou wanneer laas ek en Ansie op 'n nuwe-jaarsparty gedans het nie. Dit was regtig lekker, daar was mense van oud tot jonk en die musiek was meer 80's en ook baie Afrikaans. Die laaste uur voor Nuwejaar het "De La Rey" van Bok van Blerk seker 5 keer gespeel - teen daardie tyd het almal al die woorde geken en dit was 'n helse geraas soos almal probeer saamsing. Die warmste persoon van die aand? Loshande Ruan, soos die fotos ook wys. Meeste mense sou die partytjie (en seker die hele kampeer plek) as "common" afgemaak het, maar "common" is die nuwe gier EN DIT IS LEKKER !!