GROETE UIT LEBANON

Ansie en die kinders het Saterdag die 25e Junie geland in Beirut die oggend so net na ses. Met skaars twee ure se slaap, toe begin die kapperjolle. Ons het seker die twee mees aktiefste dogtertjies in die wereld en hulle is regtig 'n handvol. Ek kry sommer baie respek vir Ansie as ek sien hoe sy hulle hanteer en besig hou, ek kan nie glo daar is sommer 'n beter, meer geduldiger ma nie.

Ek slaap net moerse min, want die son sak eers teen 20h30 en die kinders raak rustig teen 22h30 en gaan slaap teen 23h00. Deur die nag kom spring hulle nog op ons bed en kry dit reg om ons af te skop, so mens word nog 'n paar keer deur die nag wakker. Ek kon teen die naweek voel ek is vodde en toe Ansie hoender bak en kos maak gister, toe pass ek uit vir seker 3 ure - en ek slaap NOOIT in die middae nie.

Hier onder is 'n paar foto's van ons aktiwiteite die week, sal volgende Maandag nog 'n paar opsit.

Cheers, Johan